Shyǵys Qazaqstan oblystyq Tatar qoǵamdyq ortalyǵynyń jetekshisi Kamılııa Ismaılova «Samavyr ıanynda» atty kezekti jıyndarynda bas qosyp, «Halkybyznyń kúńel bızákláre» máselesin talqylady. Bunda tatar ortalyǵynyń ókilderi men qarııalar jınaldy.
- Bizdiń tatar ultynyń qolónerge baı ekendigi belgili,-dedi Qamılııa Rashıtqyzy,-bul sharamyzdyń basty maqsaty tatar halqynyń salt-dástúrine oraı erekshelikterdi saqtap, damytý bolyp tabyldy. Biz budan buryn «Ábıemneń telákláre, násıhátláre» dep jeltoqsan aıynda, al qańtarda «Tatar halyk ashlary bık támle hám faıdaly» degen sharalarymyzdy da ótkizgenbiz.
Kamılııa Rashıtqyzynyń aıtýynsha, tatar halqynyń búgingi bas qosýynda ulttyq kıimderiniń túrlerinen, qolónerinen kórme uıymdastyrylyp otyr. Osyǵan oraı tatarlar ózderiniń kórmelerindegi buıymdardy ájeleriniń sandyqtarynan sary maıdaı saqtap, búginge jetkizip otyrǵandyqtaryn aıtty. Jasalý tásilderimen jastardy tanystyrdy.
Aıta ketý kerek, bul joly Tatar ortalyǵyna Búkilodaqtyq Tatar kongressiniń atqarýshy ortalyǵynyń tóraǵasy R. Zakırov jáne Qazaqstan Respýblıkasyndaǵy Tatarsynnyń ókiletti elshisi D. Valeevtar da arnaıy kelip qatysty. Olar Tatar qoǵamdyq ortalyǵynyń jumysymen tanysyp, «Aq qalfaq» hanymdar klýbynyń músheleri jasaǵan ulttyq úlgidegi syılyqtaryna ıe boldy. Jıyn sońynda Semeı tatarlary osyndaı bas qosýlardy jıi uıymdastyryp tursaq degen ótinishterin aıtty.
Raýshan NUǴMANBEKOVA,
«Egemen QAZAQSTAN»
SEMEI